სსრკ ჩემპიონი იუნიორთა შორის (1952). მსაჯობა დაიწყო 20 წლის ასაკში. 1956 წლიდან მსაჯობდა სსრკ უმაღლესი ლიგის მატჩებს. საერთაშორისო კატეგორიის მსაჯი 1973 წლიდან. იმსაჯა ქალთა ევროპის ჩემპიონატის ფინალური ეტაპის შეხვედრები (1976), მათ შორის მატჩი III ადგილისათვის, ევროტურნირების მრავალი შეხვედრა როგორც კაცთა, ისე ქალთა გუნდებს შორის. საქართველოს სპორტკომიტეტის კალათბურთის სახელმწიფო მწვრთნელი (1972-76), საქართველოს ქალთა ნაკრები გუნდის მთავარი მწვრთნელი (1976-81), სპორტკომიტეტის სპორტთამაშების სამმართველოს უფროსი (1981-91). საქართველოს კალათბურთის ფედერაციის პირველი ვიცე-პრეზიდენტი (1991-99), საშეჯიბრებო კომიტეტის თავმჯდომარე (2001-იდან). ღირსების ორდენის კავალერი.