პროგრამა ,,გენდერული თანასწორობა სასკოლო სპორტსა და ფიზიკურ აქტივობაში’’, შემუშავდა 2017 წელს, ,,ბავშვთა და სასკოლო სპორტის ეროვნული ფედერაციის’’ წევრი ასოციაციის ,,ჰელსიჯენის’’ მიერ. პროექტი განხორციელდა საქართველოს იუნესკოს საქმეთა ეროვნული კომისიის დაფინანსებით და საქართველოს სპორტისა და ახალგაზრდობის სამინისტროს მხარდაჭერით.

სპორტის, განათლებისა და ჯანდაცვის სისტემების ძირითად პრიორიტეტს მოსახლეობის, მით უფრო მოზარდი თაობის ჯანმრთელობისა და ჰარმონიული განვითარების ხელშეწყობა წარმოადგენს, რაშიც განსაკუთრებული მნიშვნელობა ფიზიკურ განათლებასა და ჯანსაღი ცხოვრების წესის პრინციპების ინტეგრაციას მიუძღვის.

მიმდინარე წელს რიოს XXXI ოლიმპიურ თამაშებში 13 სპორტის სახეობაში (ძალოსნობა, ჭიდაობა, ძიუდო, მძლეოსნობა, ტანვარჯიში, ტყვიის სროლა, მშვილდოსნობა, ცურვა, ფარიკაობა, კანოე, ჩოგბურთი) 40 საქართველოს სახელით მოასპარეზე სპორტსმენი მონაწილეობდა, რაც საქართველოს ოლიმპიური მოძრაობის ისტორიაში სარეკორდო მაჩვენებელია.