დაიბადა 1948 წლის 15 მარტს საგარეჯოში
თავისუფალი ჭიდაობა; 82კგ, 90კგ, 100კგ

ტიტულები:
ოლიმპიური ჩემპიონი - 1972 (82კგ; მიუნხენი), 1976 (90კგ; მონრეალი)
მსოფლიოს ჩემპიონი - 1971 (82კგ; სოფია, ბულგარეთი), 1973 (90კგ; თეირანი, ირანი), 1974 (90კგ; სტამბოლი, თურქეთი), 1975 (90კგ; მინსკი, საბჭოთა კავშირი)
მსოფლიოს ვიცე-ჩემპიონი - 1978 (100კგ; მეხიკო, მექსიკა)
ევროპის ჩემპიონი - 1974 (90კგ; მადრიდი, ესპანეთი), 1976 (90კგ; ლენინგრადი), 1978 (100კგ; სოფია, ბულგარეთი)
მსოფლიო თასი - 1973 (90კგ; ტოლედო, ამერიკის შეერთებული შტატები)
სსრკ ხალხთა V სპარტაკიადის ჩემპიონი - 1971 (82კგ; მოსკოვი)
სსრკ ხალხთა VI სპარტაკიადის ვიცე-ჩემპიონი - 1975 (100კგ; კიევი)
სსრკ ჩემპიონი - 1971 (82კგ; მოსკოვი), 1973 (90კგ; კრასნოიარსკი), 1974 (90კგ; უფა)
სსრკ ვიცე-ჩემპიონი - 1969 (82კგ; ლუგანსკი), 1975 (100კგ; კიევი), 1977 (100კგ; კრასნოიარსკი), 1980 (100კგ; მოსკოვი)
საერთაშორისო ტურნირები - 1970 (82კგ; ვახტანგ ბალავაძის და გივი კარტოზიას თასი; თბილისი), 1971 (82კგ; ვახტანგ ბალავაძის და გივი კარტოზიას თასი; თბილისი), 1972 (82კგ; ვახტანგ ბალავაძის და გივი კარტოზიას თასი; თბილისი), 1975 (90კგ; ვახტანგ ბალავაძის და გივი კარტოზიას თასი; თბილისი), 1978 (100კგ; ვახტანგ ბალავაძის და გივი კარტოზიას თასი; თბილისი)
მსოფლიოს ჩემპიონი ჭიდაობა სამბოში - 1973 (90კგ; თეირანი, ირანი)

საქართველოს საუკეთესო სპორტსმენი (სპორტულ ჟურნალისტთა კავშირი) - 1971, 1973, 1974
საქართველოს საუკეთესო სპორტსმენი (საქართველოს სსრ სპორტის ფედერაციების კომიტეტი) - 1973

სსრკ სპორტის ოსტატი
სსრკ საერთაშორისო კლასის სპორტის ოსტატი
სსრკ სპორტის დამსახურებული ოსტატი - 1971
სპორტის რაინდი (სპორტისა და ახალგაზრდობის საქმეთა სამინისტრო) - 2013

სხვა ჯილდოები:
ვახტანგ გორგასლის სახელობის II ხარისხის ორდენი
ბრწყინვალების საპრეზიდენტო ორდენი - 2018
ღირსების ორდენი
საერთაშორისო ოლიმპიური კომიტეტის - IOC - ორდენი - 2001
ჭიდაობის საერთაშორისო ფედერაციის - FILA - ორდენი
საქართველოს ეროვნული ოლიმპიური კომიტეტის ორდენი - 2002
ვ.ი.ლენინის ორდენი (სსრკ) - 1976
ღირსების ნიშნის ორდენი (სსრკ)

*-ლევან თედიაშვილის შედეგები 1972 წელს, მიუნხენის ოლიმპიადაზე:
I წრე: იბრაჰიმ დიოპი (სენეგალი) - მოგება
II წრე: არტაგ ტუმურიინი (მონღოლეთი) - მოგება
III წრე: კურტ ელმგრენი (შვედეთი) - მოგება
IV წრე: ჯონ პეტერსონი (აშშ) - მოგება
V წრე: პეტერ ნოიმაირი (გფრ) - მოგება
VI წრე, ფინალი: ვასილე იორგა (რუმინეთი) - მოგება

*-ლევან თედიაშვილის შედეგები 1976 წელს, მონრეალის ოლიმპიადაზე:
I წრე: უეინ თომასი (ვორჯინიის კუნძულები) - მოგება
II წრე: ფრანკ ანდერსონი (შვედეთი) - მოგება
III წრე: ჰორსტ შტოტმაისტერი (გდრ) - მოგება
IV წრე: მორის ალენი (დიდი ბრიტანეთი) - მოგება
V წრე: ტერი პეისი (კანადა) - მოგება
VI წრე: სტელიან მორკოვი (რუმინეთი) - მოგება
ფინალი: ბენ პეტერსონი (აშშ) - მოგება

*-1971 წლის 27-30 აგვისტოს ბულგარეთის დედაქალაქმა თავისუფალ ჭიდაობაში მსოფლიოს XIII ჩემპიონატს უმასპინძლა. 82კგ წონით კატეგორიაში ლევან თედიაშვილმა ზედიზედ დაამარცხა სასაკი (იაპონია), იან ვუპიორჩიკი (პოლონეთი), ნიანგი (სენეგალი), ჰორსტ შტოტმაისტერი (გერმანიის დემოკრატიული რესპუბლიკა), კურტ ელმგრენი (შვედეთი), ჰაჯილუ (ირანი), ვასილე იორგა (რუმინეთი) და პირველად გახდა მსოფლიოს ჩემპიონი.
*-1973 წლის 6-9 სექტემბერს მსოფლიო ჩემპიონატი თეირანში, ირანის დედაქალაქში გაიმართა. ლევან თედიაშვილმა მეორე ოქროს მედალი 90კგ წონით კატეგორიაში მოიგო, ზედიზედ ექვსი გამარჯვების შემდეგ! მან მიჯრით სძლია ასიმ ბულბულს (თურქეთი), ინოს (იაპონია), რეზა ჰოსიანიხორამის (ირანი), კაროლი ბაიკოს (უნგრეთი), ჰორსტ შტოტმაისტერს (გერმანიის დემოკრატიული რესპუბლიკა) და ბენ პეტერსონს (ამერიკის შეერთებული შტატები).
*-1973 წელს, მოჭიდავეთა მსოფლიო ჩემპიონატის დასრულების შემდეგ, თეირანში სამბისტთა მსოფლიო პირველობაც გაიმართა. ლევან თედიაშვილმა ტურნირამდე ერთი დღით ადრე შეცვალა ავად გამხდარი საბჭოთა სამბისტი და მსოფლიოს ჩემპიონი გახდა!
*-1973 წელს დასახელდა საბჭოთა კავშირის საუკეთესო სპორტსმენთა ათეულში.
*-1974 წლის 29 აგვისტოდან 1 სექტემბრის ჩათვლით თავისუფალი სტილის მოჭიდავეებმა მსოფლიოს უძლიერესი ფალავნები სტამბოლში გამოავლინეს. თედიაშვილმა კვლავ 90კგ წონით კატეგორიაში იასპარეზა, ერთიმეორის მიყოლებით დაამარცხა ჯიმი მარტინეტი (შვეიცარია), მაკოტო კამადა (იაპონია), მეჰმეთ გუჩლუ (თურქეთი), პაველ კურჩევსკი (პოლონეთი), ჯორჯ რიჩი (ამერიკის შეერთებული შტატები), ისმაილ აბილოვი (ბულგარეთი) და ზედიზედ მესამედ გახდა მსოფლიოს ჩემპიონი!
*-1975 წლის 15-18 სექტემბერს მსოფლიო ჩემპიონატს საბჭოთა კავშირმა, ბელარუსის დედაქალაქმა მინსკმა უმასპინძლა. საგარეჯოელმა ფალავანმა კვლავ დიდებულად იჭიდავა, სძლია პეტერ ნოიმაირს (გერმანიის ფედერაციული რესპუბლიკა), გეზა მოლნარს (უნგრეთი), რასელ ჰელიქსონს (ამერიკის შეერთებული შტატები), შუქრი ახმედოვს (ბულგარეთი) და აღმოსავლეთგერმანელ ჰორსტ შტოტმაისტერთან გამარჯვების შემდეგ ზედიზედ მეოთხედ გახდა მსოფლიოს ჩემპიონი! ის თავისუფალი სტილით მოჭიდავე პირველი ქართველი ფალავანი გახდა, ვინც ეს შეძლო, ხოლო ჩვენი სპორტის ისტორიაში მხოლოდ მეორე, ბერძნულ-რომაული სტილით მოჭიდავე რომან რურუას შემდეგ, რომელმაც მიჯრით მოიგო მსოფლიოს ოთხი პირველობა.
*-1975 წლის მიწურულს, სპორტულ ჟურნალისტთა კავშირის მიერ მოწყობილ რეფერენდუმში, საქართველოს წლის სპორტსმენთა ათეულში მეორე ადგილზე დასახელდა მოჭადრაკის, ნონა გაფრინდაშვილის შემდეგ.
*-1976 წლის მიწურულს, სპორტულ ჟურნალისტთა კავშირის მიერ მოწყობილ რეფერენდუმში, საქართველოს წლის სპორტსმენთა ათეულში მეორე ადგილზე დასახელდა მძლეოსნის, ვიქტორ სანეევის შემდეგ.
*-1978 წელს, მექსიკის დედაქალაქ მეხიკოში, მსოფლიო ჩემპიონატის ფინალში მოულოდნელად დამარცხდა ჰარალდ ბიუტნერთან (გერმანიის დემოკრატიული რესპუბლიკა), რომელსაც იმავე წლის ევროპირველობაზე თორმეტი(!) ქულის სხვაობით სძლია. ეს თედიაშვილის პირველი მარცხი იყო საერთაშორისო ასპარეზზე 1971 წლის შემდეგ.
*-1986-1989 წლებში იყო თბილისის სპორტკომიტეტის თავმჯდომარე.
*-1987 წელს ერთ-ერთი მთავარი როლი (გოგია) შეასრულა რეჟისორ გიორგი შენგელაიას მხატვრულ ფილმში „ხარება და გოგია“. ამავე ფილმში მეორე მთავარ როლში ითამაშა კიდევ ერთმა სახელოვანმა ქართველმა სპორტსმენმა, ველოსპორტში მსოფლიოს ჩემპიონმა ომარ ფხაკაძემ (ხარება). კინოფესტივალ „ოქროს არჩაზე“ ლევან თედიაშვილს მამაკაცის როლის საუკეთესო შემსრულებლისთვის განკუთვნილი ჯილდო გადაეცა.
*-1993-1995 წლებში იყო სახელმწიფოს მეთაურის რწმუნებული კახეთის რეგიონში.
*-1993 წლის 22 სექტემბერს, აფხაზეთის ომის დროს, ბაბუშერას აეროპორტში აფეთქებულ თვითმფრინავს შეეწირა ლევან თედიაშვილის 19 წლის ვაჟი ვახტანგი. საქართველოს პრეზიდენტის ედუარდ შევარდნაძის ბრძანებით, ვახტანგ თედიაშვილი 1998 წელს ვახტანგ გორგასლის სახელობის III ხარისხის ორდენით დაჯილდოვდა.
*-1995-1999 წლებში საქართველოს IV მოწვევის პარლამენტის წევრი, საგარეჯოს მაჟორიტარი, საარჩევნო ბლოკი „საქართველოს მოქალაქეთა კავშირი“.
*-1999 წელს, საქართველოს სპორტულ ჟურნალისტთა ასოციაციის მიერ ორგანიზებულ გამოკითხვაში XX საუკუნის მესამე საუკეთესო ვაჟ სპორტსმენად დასახელდა ვიქტორ სანეევის (მძლეოსნობა) და გივი კარტოზიას (ბერძნულ-რომაული ჭიდაობა) შემდეგ და ბრინჯაოს პრიზი გადაეცა.
*-1999-2004 წლებში საქართველოს V მოწვევის პარლამენტის წევრი, პარტიული სიით, საარჩევნო ბლოკი „საქართველოს მოქალაქეთა კავშირი“.
*-2003 წელს ლევან თედიაშვილს თბილისის საპატიო მოქალაქის წოდება მიენიჭა.
*-2005 წლიდან ჭიდაობის საერთაშორისო ფედერაციის - FILA - დიდების დარბაზის წევრია.
*-2011 წელს, სერიაში „ქართველი ოლიმპიური ჩემპიონები“ (პროექტის ავტორი და მთავარი რედაქტორი ელგუჯა ბერიშვილი) გამოიცა ნუგზარ შატაიძის წიგნი „ლევან თედიაშვილი“.
*-2014 წლის დეკემბერში, საქართველოს სპორტისა და ახალგაზრდობის საქმეთა სამინისტროს საახალწლო დაჯილდოებაზე გადაეცა სპეციალური პრიზი „ქართული სპორტის ლეგენდა“.
*-2021 წელს ერთ-ერთი მთავარი როლი შეასრულა რეჟისორ ლევან კოღუაშვილის მხატვრულ ფილმში „მეოთხე ბრაიტონი“. იმავე წელს ტრიბეკას კინოფესტივალზე (ნიუ იორკი, ამერიკის შეერთებული შტატები) მამაკაცის როლის საუკეთესო შემსრულებლისთვის განკუთვნილი პრიზით დაჯილდოვდა. იგივე ნომინაციაში გაიმარჯვა კოტბუსის (გერმანია) აღმოსავლეთ ევროპული ფილმების ფესტივალზე.
*-ლევან თედიაშვილი ერთადერთი ქართველი მოჭიდავეა, რომელმაც დიდი საერთაშორისო ტურნირი სამ წონით კატეგორიაში მოიგო: ოლიმპიადები და მსოფლიო ჩემპიონატები 82კგ და 90კგ-ში წონებში, 100კგ წონით კატეგორიაში კი ევროპის ჩემპიონატი.