დაიბადა 1975 წლის 30 აგვისტოს საჩხერეში
ძალოსნობა (77, 85კგ)

ტიტულები:
ოლიმპიური ჩემპიონი - 2004 (85კგ; ათენი)
ოლიმპიადის ბრინჯაოს პრიზიორი - 2000 (85კგ; სიდნეი)
მსოფლიოს ჩემპიონი - 2001 (85კგ; ანტალია, თურქეთი)
მსოფლიოს ვიცე-ჩემპიონი - 2002 (85კგ; ვარშავა, პოლონეთი)
ევროპის ჩემპიონი - 2000 (85კგ; სოფია, ბულგარეთი), 2001 (85კგ; ტრენჩინი, სლოვაკეთი), 2002 (85კგ; ანტალია, თურქეთი)
ევროპის ვიცე-ჩემპიონი - 1998 (77კგ; რიესა, გერმანია)
მსოფლიოს ჩემპიონი (ახალგაზრდები) - 1994, 1995

საქართველოს საუკეთესო სპორტსმენი (სპორტულ ჟურნალისტთა ასოციაცია) - 1998, 2000, 2001
საქართველოს საუკეთესო სპორტსმენი (ეროვნული ოლიმპიური კომიტეტი) - 2000
საქართველოს საუკეთესო მწვრთნელი (სპორტულ ჟურნალისტთა ასოციაცია) - 2016, 2017, 2018
საქართველოს საუკეთესო მწვრთნელი (სპორტისა და ახალგაზრდობის საქმეთა სამინისტრო) - 2016
საქართველოს საუკეთესო მწვრთნელი (განათლების, მეცნიერების, კულტურისა და სპორტის სამინისტრო) - 2018

სპორტის რაინდი (სპორტისა და ახალგაზრდობის საქმეთა სამინისტრო) - 2004

სხვა ჯილდოები:
ვახტანგ გორგასლის სახელობის II ხარისხის ორდენი - 2001
ვახტანგ გორგასლის სახელობის III ხარისხის ორდენი - 2000
ღირსების ორდენი - 1998
დიდგორის ორდენი - 2003
ბრწყინვალების საპრეზიდენტო ორდენი - 2018

გიორგი ასანიძის შედეგები 2000 წელს, სიდნეის ოლიმპიადაზე:
აკვრა: 175-180-180კგ (I ადგილი); ატაცი: 210-210კგ (IV)
ორჭიდი: 390კგ (ბრინჯაოს მედალი)

გიორგი ასანიძის შედეგები 2004 წელს, ათენის ოლიმპიადაზე:
აკვრა: 172.5-177.5-177.5კგ (II); ატაცი: 202.5-205-205კგ (IV)
ორჭიდი: 382.5კგ (ჩემპიონი)

*-1998 წელს, ფინეთის ქალაქ ლაჰტში გამართულ მსოფლიო ჩემპიონატზე 168კგ აკრა და მსოფლიო რეკორდი დაამყარა. ის ჩემპიონატი საბოლოოდ მე6 ადგილზე დაასრულა.
*-2000 წელს, ბულგარეთის დედაქალაქ სოფიაში გამართულ ევროპის ჩემპიონატზე 180კგ აკრა და მსოფლიო რეკორდი დაამყარა. ატაცში მე2 ადგილზე გავიდა, თუმცა ორჭიდის ჯამში ევროპის ჩემპიონატი მოიგო.
*-2000 წელს, სიდნეიში, ჩემპიონმა პიროს დიმასმა (საბერძნეთი), ვიცე-ჩემპიონმა მარკ ჰუსტერმა (გერმანია) და გიორგი ასანიძემ ორჭიდის ჯამში ერთნაირი წონა, 390კგ დაძლიეს და ჩემპიონ-პრიზიორები მხოლოდ პირადი წონით გამოვლინდნენ. დიმასი 84.06კგს იწონიდა, ჰუსტერი - 84.22კგს, ხოლო ასანიძე მათ შორის ყველაზე მძიმე აღმოჩნდა - 84.70კგ.
*-2004 წელს ათენის (საბერძნეთი) საპატიო მოქალაქის წოდება მიენიჭა.
*-2004-08 წლებში საქართველოს VI მოწვევის პარლამენტის წევრი (საარჩევნო ბლოკი „ნაციონალური მოძრაობა - დემოკრატები“).
*-2008-12 წლებში საქართველოს VII მოწვევის პარლამენტის წევრი (საარჩევნო ბლოკი „ერთიანი ნაციონალური მოძრაობა - გამარჯვებული საქართველოსთვის“). იმავე პერიოდში პარლამენტის სპორტისა და ახალგაზრდულ საქმეთა კომიტეტის თავმჯდომარე გახლდათ.
*-2011 წელს, სერიაში „ქართველი ოლიმპიური ჩემპიონები“ (პროექტის ავტორი და მთავარი რედაქტორი ელგუჯა ბერიშვილი) გამოიცა ნუგზარ შატაიძის წიგნი „გიორგი ასანიძე“.
*-2013 წლის მაისიდან საქართველოს ძალოსანთა ეროვნული ნაკრების მთავარი მწვრთნელია.