დაიბადა 1974 წლის 10 აპრილს სოფელ ვარიანში (გორის რაიონი)
მოკრივე (91, +91კგ)

ტიტულები:
მსოფლიოს ჩემპიონი - 1997 (+91კგ; ბუდაპეშტი, უნგრეთი)
მსოფლიოს ვიცე-ჩემპიონი - 1993 (91კგ; ტამპერე, ფინეთი)
ევროპის ჩემპიონი - 1993 (91კგ; ბურსა, თურქეთი)
მსოფლიო თასის ბრინჯაოს პრიზიორი - 1994 (91კგ; ბანგკოკი, ტაილანდი)
მსოფლიოს ჩემპიონი (ახალგაზრდები) - 1992 (91კგ; მონრეალი, კანადა)
საერთაშორისო ტურნირების ჩემპიონი - 1990 (ჭაბუკები; თბილისი), 1992 (აჰმეთ ქომერთის თასი; სტამბოლი, თურქეთი), 1995 (მოსკოვი, რუსეთი)
საერთაშორისო ტურნირების ვიცე-ჩემპიონი - 1995 (ჰალე, გერმანია)
საერთაშორისო ტურნირების ბრინჯაოს პრიზიორი - 1994 (ჰალე, გერმანია), 1996 (სოფია, ბულგარეთი)

საქართველოს საუკეთესო სპორტსმენი (სპორტულ ჟურნალისტთა ასოციაცია) - 1997

სხვა ჯილდოები:
ღირსების ორდენი - 1997

*-პირველი სპორტსმენი დამოუკიდებელი საქართველოს ისტორიაში, რომელმაც მსოფლიოს ჩემპიონის ტიტული მოიპოვა.
*-1992-1993 წლებში იაპონიაში, ტოკიოსა და ნაგოიაში ოთხჯერ იასპარეზა შერეული ორთაბრძოლების ფესტივალში. ორი ბრძოლა ნოკაუტით მოიგო, ერთხელ ნოკაუტით დამარცხდა, ერთხელაც მსაჯების გადაწყვეტილებით.
*-1996 წლის ატლანტის ოლიმპიადის მონაწილე. მეოთხედფინალში მომავალ ჩემპიონთან, კუბელ ფელიქს სავონთან დამარცხდა.
*-1997 წელს, უნგრეთის დედაქალაქში გამართული მსოფლიო პირველობა გიორგიმ შესარჩევი ეტაპიდან დაიწყო, სადაც გერმანელი ვიტალი ბოოტი დაამარცხა - 4:2. შემდეგ მერვედფინალში ჩეხ პეტრ ჰორაჩეკს სძლია მსაჯთა გადაწყვეტილებით, მეოთხედფინალში კანადელი ჟან-ფრანსუა ბერჟერო შეაჩერა - 7:3, ნახევარფინალში ბელარუს სერგეი ლიახოვიჩს აჯობა - 5:3, ხოლო ფინალში კუბელ ალექსის რუბალკაბას 4:1 მოუგო და მსოფლიოს ჩემპიონი გახდა.
*-1998 წლიდან ასპარეზობდა პროფესიონალურ კრივში. კარიერის დასრულებამდე გამართა 24 ბრძოლა და ყველა მოიგო, მათ შორის 18 ნოკაუტით.
*-2002 წლის 21 დეკემბერს, რუსეთში, სანკტ-პეტერბურგის სპორტის სასახლეში რუს ალექსანდრ ვასილიევს ტექნიკური ნოკაუტით სძლია და WBU-ის (World Boxing Union) ვერსიით მსოფლიოს ჩემპიონი გახდა. ეს მისი ბოლოსწინა, 23-ე ბრძოლა იყო პროფესიონალურ კრივში და 23-ე გამარჯვება.
*-2003 წლის 17 ოქტომბერს, თბილისის სპორტის სასახლეში რუსი ალექსეი ოსოკინი დაამარცხა, ზედიზედ 24-ე ბრძოლა მოიგო და კარიერა დაასრულა.