ოლიმპიური ჩემპიონის ვაჟა კაჭარავას სახელობის ფრენბურთის დარბაზში მიმდინარე ძალოსანთა საქართველოს ჩემპიონატზე დღეს მომდევნო სამი წონითი კატეგორიის ჩემპიონები და მედალოსნები გამოვლინდნენ.

მედლები პირველად 73კგ წონაში გათამაშდა, სადაც საქართველოს მორიგი რეკორდები დამყარდა: ჩემპიონმა არჩილ მალაყმაძემ იუნიორთა მიღწევა გააუმჯობესა ატაცში (5 კილოგრამით) და ორჭიდში (+8). აკვრაში საქართველოს რეკორდი დაამყარა კახი ასანიძემ - კილოგრამი დაუმატა ძველ მიღწევას.

მომდევნო, 81კგ წონაში ერთი რეკორდი გაუმჯობესდა: ლომია თებიძემ აკვრაში ასევე კილოგრამით გააუმჯობესა წინა შედეგი.

დღესვე გათამაშდა მედლები გოგონებს შორის, სადაც ჩემპიონები და პრიზიორები სინკლერის სპეციალური სიით გამოვლინდნენ. საქართველოს ჩემპიონატი ხვალ დასრულდება.

73კგ
ჩემპიონი: არჩილ მალაყმაძე (აჭარა) - 318კგ (147კგ+171კგ)
II ადგილი: კახი ასანიძე (თბილისი) - 312კგ (141კგ+171კგ)
III ადგილი: გიორგი ლომთაძე (ქუთაისი) - 265კგ (125კგ+140კგ)

81კგ
ჩემპიონი: ლომია თებიძე (აჭარა) - 321კგ (140კგ+181კგ)
II ადგილი: ედუარდ კაკაბაძე (ქუთაისი) - 299კგ (134კგ+165კგ)
III ადგილი: ბეგლარ სოლომონიძე (აჭარა) - 298კგ (136კგ+162კგ)

89კგ
ჩემპიონი: რეზი დავითაძე (თბილისი) - 365კგ (165კგ+200კგ)
II ადგილი: ნოდარ კაკაბაძე (ქუთაისი) - 302კგ (140კგ+162კგ)
III ადგილი: ალკაზარ გოგიტიძე (აჭარა) - 281კგ (125კგ+166კგ)

გოგონები
ჩემპიონი: მარიამ მაისურაძე (წყალტუბო) - 121კგ (58კგ+63კგ)
II ადგილი: ნათია გადელია (ზუგდიდი) - 160კგ (70კგ+90კგ)
III ადგილი: მარიამ მურღვლიანი (ხონი) - 130კგ (60კგ+70კგ)