განათლების, მეცნიერების, კულტურისა და სპორტის სამინისტროში ევროკავშირის წევრ ქვეყნებში სხვა ქვეყნების მოქალაქე სპორტსმენებისთვის დაწესებული შეზღუდვების შემსუბუქების შესაძლებლობაზე იმსჯელეს. შეხვედრაზე აღინიშნა, რომ ევროკავშირსა და საქართველოს შორის გაფორმებული ასოცირების ხელშეკრულება შესაძლებლობას აძლევს ქართველ სპორტსმენებს ბარიერების გარეშე დარეგისტრირდნენ სხვადასხვა სპორტულ ლიგაში.

ქართველ პარამოფარიკავეს, მსოფლიოს ჩემპიონსა და მსოფლიო თასის არაერთგზის გამარჯვებულს, ირმა ხეცურიანს 35 წელი შეუსრულდა.

საქართველოს ეროვნულ ოლიმპიურ კომიტეტს მომდევნო 4 წლის განმავლობაში კვლავ ლერი ხაბელოვი უხელმძღვანელებს.ხაბელოვი, რომელიც ოლიმპიურ კომიტეტს 2012 წლიდან უდგას სათავეში, პრეზიდენტის თანამდებობაზე მესამე ვადით, დღეს გამართულ საანგარიშო-საარჩევნო სესიაზე აირჩიეს.

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი, ქართული რაგბისა და სპორტის გულშემატკივარს, საქართველოს მორაგბეთა ნაკრების პრესტიჟულ საერთაშორისო ტურნირში - „შემოდგომის ერთა თასი“ მონაწილეობის ოფიციალურად აღიარებას ულოცავს.

საქართველოს მორაგბეთა ნაკრები 13 ნოემბრიდან 6 დეკემბრის ჩათვლით დაგეგმილ რაგბის 8 ერის (შემოდგომის თასზე) ტურნირში ითამაშებს. დღეს, ეს ინფორმაცია ოფიციალურად დაადასტურეს ექვსი ერის ორგანიზატორებმა და შესაბამისი სიახლე ტურნირის ოფიციალურ ვებ-გვერდზე გამოაქვეყნეს.

საქართველოს განათლების, მეცნიერების, კულტურისა და სპორტის მინისტრის მოადგილე შალვა გოგოლაძე მიიჩნევს, რომ მორაგბეთა ეროვნული ნაკრების მონაწილეობა პრესტიჟულ საერთაშორისო ტურნირში - „8 ერი“, ისტორიული გადაწყვეტილება იქნება, რადგან საქართველოს პირველად მიეცემა შესაძლებლობა იასპარეზოს ასეთი მაღალი რანგის ტურნირზე.

საქართველოს განათლების, მეცნიერების, კულტურისა და სპორტის მინისტრის მოადგილემ, შალვა გოგოლაძემ ევროკავშირის წარმომადგენლობის ატაშეს, კოლომ დე მერსის უმასპინძლა. შეხვედრის მთავარი განსახილველი თემა იყო ევროკავშირის წევრი ქვეყნების სპორტული ფედერაციების მიერ დაწესებული შეზღუდვები და რეგულაციები, რომლებიც მოქმედებს ორგანიზაციის არაწევრი სახელმწიფოების მოქალაქეებისთვის, რომელთაც სურთ სხვადასხვა სპორტულ ლიგაში ასპარეზობა.

თანამედროვე ქართული ძალოსნობის გამორჩეულ წარმომადგენელს, ოლიმპიურ ჩემპიონს, გიორგი ასანიძეს 45 წელი შეუსრულდა.

კობა წაქაძე ზამთრის სახეობებში ერთადერთი ქართველი სპორტსმენია, საბჭოთა კავშირის ნაკრების შემადგენლობაში, რომელმაც 1956-1972 წლებში ზამთრის ოთხ ოლიმპიურ თამაშებზე იასპარეზა.

ტურნირში, რომელიც წლის ბოლომდე გაგრძელდება მონაწილეობას მიიღებს საქართველოს 64 მუნიციპალიტეტის 544 გუნდი, ხოლო ტურნირში ჩართულ მოყვარულ ფეხბურთელთა რაოდენობა 12 ათასს აღემატება.