საქართველოს კულტურის, სპორტისა და ახალგაზრდობის მინისტრი თეა წულუკიანი, მინისტრის მოადგილე სოსო გიორგაძესთან ერთად ველოსპორტის ფედერაციის პრეზიდენტს, ომარ ფხაკაძესა და ფედერაციის სხვა ხელმძღვანელ პირებს შეხვდა და ველოსპორტში არსებულ გამოწვევებს გაეცნო.

გივი ბიჭიაშვილი გახლდათ ქართული საკალათბურთო საზოგადოების ერთ-ერთი გამორჩეული წარმომადგენელი, 1970-1980-იან წლებში “თბილისის დინამოსა” და “ბურევესტნიკის” წევრი, საბჭოთა კავშირის სპორტის ოსტატი, საქართველოს კალათბურთის ეროვნული ფედერაციის გამგეობის წევრი. 1968 წლიდან ბიჭიაშვილი საერთაშორისო სპორტის ოსტატის წოდებას ფლობდა, ხოლო 2017 წელს ის ქართული სპორტის რაინდის წოდებით დაჯილდოვდა.

საქართველოს კულტურის, სპორტისა და ახალგაზრდობის მინისტრმა თეა წულუკიანმა, მინისტრის მოადგილე სოსო გიორგაძესთან ერთად, სამინისტროში მეკლდეურობის ფედერაციის პრეზიდენტს ლადო გურჩიანს უმასპინძლა. შეხვედრაზე, რომელსაც მეკლდეურობის ფედერაციის სხვა ხელმძღვანელი პირებიც დაესწრნენ, განიხილეს საქართველოში მეკლდეურობის განვითარების შესაძლებლობები და პარიზის ოლიმპიურ თამაშებზე ქართველი მეკლდეურების ასპარეზობის პერსპექტივები.

საქართველოს კულტურის, სპორტისა და ახალგაზრდობის მინისტრი თეა წულუკიანი ფოთში მდებარე მალთაყვის ნიჩბოსნობისა და კანოეს ყოფილი ბაზის ტერიტორიას ესტუმრა და იქ არსებული მდგომარეობა კანოეს ეროვნული ფედერაციის ხელმძღვანელობასთან ერთად შეაფასა.

იაპონიის დედაქალაქ ტოკიოში ახლაც მიმდინარეობს პარალიმპიური თამაშები, რომელშიც ქართველი სპორტსმენები წარმატებით ასპარეზობენ და 3 ვერცხლის მედლის მოპოვება შეძლეს. ტოკიოში ვერცხლის მედალი დაისაკუთრეს პარამოფარიკავე ნინა თიბილაშვილმა და ძიუდოისტებმა - ინა ქალდანმა (-70 კგ) და რევაზ ჩიკოიძემ (+100 კგ).

საქართველოს პრემიერ-მინისტრი ირაკლი ღარიბაშვილი, ვიცე-პრემიერები - კულტურის, სპორტისა და ახალგაზრდობის მინისტრი თეა წულუკიანი და გარემოს დაცვისა და სოფლის მეურნეობის მინისტრი ლევან დავითაშვილი, ასევე რაგბის კავშირის პრეზიდენტი სოსო ტყემალაძე აღმასრულებელი, საკანონმდებლო და ადგილობრივი ხელისუფლების წარმომადგენლებთან ერთად ქუთაისში რაგბის სტადიონზე გამოჩენილ რაგბისტებს შეხვდნენ.

საქართველოს კულტურის, სპორტისა და ახალგაზრდობის მინისტრი, თეა წულუკიანი და მინისტრის მოადგილე, სოსო გიორგაძე საერთაშორისო ტურნირების „მაია ჩიბურდანიძის თასი 2021“ და „ნონა გაფრინდაშვილის თასი 2021“ დახურვის ცერემონიას დაესწრნენ.

თეა წულუკიანმა ყოფილი სპორტის მუზეუმის თანამშრომლებთან შეხვედრა გამართა და მუზეუმის ფონდების მდგომარეობას გაეცნო. შეხვედრა გაიმართა საქართველოს ეროვნული მუზეუმის შენობაში, რომელსაც სპორტის მუზეუმი 2018 წელს შეუერთდა. შეხვედრას ასევე ესწრებოდა ეროვნული მუზეუმის გენერალური დირექტორი დავით ლორთქიფანიძე.

საქართველოს კულტურის, სპორტისა და ახალგაზრდობის მინისტრმა თეა წულუკიანმა, მინისტრის მოადგილე სოსო გიორგაძესთან ერთად, სამინისტროში მიიღო შერეული საბრძოლო ხელოვნების მებრძოლი გიგა ჭიკაძე და მას UFC - ში მიღწეული მნიშვნელოვანი წარმატება პირადად მიულოცა.

პოლონეთის ქალაქი კრაკოვი მასპინძლობს ამპუტანტ ფეხბურთელებს შორის 2021 წლის ევროპის ჩემპიონატს. საქართველოს ნაკრებმა 9-14 ადგილებისთვის ბრძოლაში შეხვედრა ბელგიის ნაკრების წინააღმდეგ გამართა და მეტოქე დამაჯერებლად 8:0 დაამარცხა.