გახსნის საზეიმო ღონისძიებაზე დამსწრე საზოგადოებას სიტყვით საქართველოს სპორტის მინისტრმა შალვა გოგოლაძემ და ფარიკაობის საერთაშორისო ფედერაციის პრეზიდენტმა აბდელმონემ ელ-ჰუსეინმა მიმართეს. ტურნირში 120 ქვეყნის 1205 ქალი და მამაკაცი მოფარიკავე მონაწილეობს. ჩემპიონატი დაშნაში, რაპირასა და ხმალში მიმდინარეობს; ასპარეზობები როგორც ინდივიდუალურ, ისე გუნდურ შეჯიბრებებს მოიცავს. მსოფლიოს ჩემპიონატი საქართველოს სპორტის სამინისტროს მხარდაჭერით იმართება.