ზურაბ იაკობიშვილმა (თავისუფალი სტილით ჭიდობა, 70 კგ) ნორვეგიის დედაქალაქ ოსლოში მიმდინარე მოჭიდავეთა მსოფლიოს ჩემპიონატზე ბრინჯაოს მედალი მოიპოვა.

იაკობიშვილმა გადამწყვეტ შეხვედრაში აზერბაიჯანელი თურან ბაირამოვი 4:3 დაამარცხა და ბრინჯაოს მედლის მფლობელი გახდა.

ამრიგად, საქართველოს თავისუფალი სტილით მოჭიდავეთა ნაკრებმა მსოფლიოს ჩემპიონატზე 1 ვერცხლის და 2 ბრინჯაოს მედალი მოიპოვა.

7 ოქტომბრიდან მსოფლიოს ჩემპიონატზე ბერძნულ-რომაული სტილით მოჭიდავეები იასპარეზებენ.