ნიკოლოზ ბასილაშვილი კატარის საერთაშორისო ტურნირის გამარჯვებულია! საქართველოს პირველმა ჩოგანმა ფინალში ესპანელი რობერტო ბაუტისტა აგუტი 2 სეტში - 7:6 (7:5), 6:2 დაამარცხა და ATP-ის მეოთხე ტიტული მოიპოვა.

კატარის დედაქალაქ დოჰაში დასრულებულ ტურნირზე (ATP 250) ბასილაშვილმა ბრწყინვალედ იასპარეზა და ჯამში 5 შეხვედრა მოიგო. აღსანიშნავია, რომ 1/4 ფინალში, ქართველმა ჩოგბურთელმა ლეგენდარულ როჯერ ფედერერს სძლია.