15 დეკემბერს, ლეგენდარულ ქართველ წყალბურთელს, რევაზ ჩომახიძეს 47 წელი შეუსრულდა. იგი გახლავთ ქართული წყალბურთის ერთ-ერთი გამორჩეული მოთამაშე და მსოფლიო დონის ვარსკვლავი. ჩომახიძეს მოპოვებული აქვს სიდნეისა (2000) და ათენის (2004) ოლიმპიური თამაშების ვერცხლისა და ბრინჯაოს მედალი, ასევე, არაერთი გუნდური თუ ინდივიდუალური პრიზი. ის აღიარებულია წყალბურთის საერთაშორისო ფედერაციის მიერ, როგორც ყველა დროის ერთ-ერთი უძლიერესი ცენტრალური თავდამსხმელი.

რევაზ ჩომახიძე ამჟამად საქართველოს წყალბურთელთა ეროვნული ნაკრების მთავარი მწვრთნელია. მისი ხელმძღვანელობით, ჩვენმა გუნდმა ევროპის ორ ჩემპიონატზე (2018, 2020) ითამაშა. 2020 წელს, საქართველოს ნაკრები კონტინენტის 10 საუკეთესო ნაკრებს შორის მოხვდა.

საქართველოს განათლების, მეცნიერების, კულტურისა და სპორტის სამინისტრო ულოცავს ბატონ რევაზს იუბილეს და წარმატებებს უსურვებს პირად ცხოვრებასა და პროფესიულ საქმიანობაში.