ეილათში (ისრაელი) მიმდინარე 15 და 17-წლამდელ ძალოსანთა ევროპის ჩემპიონატზე გურამ ვეკუამ საქართველოს ნაკრებს პირველი მედლები მოუპოვა.

96კგ წონით კატეგორიაში მოასპარეზე ვეკუამ, რომელიც ფიცარნაგზე 15- წლამდელებში წარსდგა, ატაცში სამივე ცდა (118/122/126) წარმატებით გამოიყენა და ოქროს მედალი მოიპოვა, ამასთან, მეორე და მესამე მისვლაზე ევროპის რეკორდებიც გააუმჯობესა.

ის საუკეთესო იყო აკვრაშიც. მომავალმა ჩემპიონმა აქაც სამივე მისვლა წარმატებით დააგვირგვინა (144/148/151) და ოქროს მედალი დაისაკუთრა! გარდა ამისა, იმედისმომცემმა ქართველმა ძალოსანმა სამივე შემთხვევაში ევროპის რეკორდები დაამხო!

გიორგი ვეკუას ოქროს მედლები პირველია საქართველოს გუნდისთვის. ცხადია, ევროპირველობის რეკორდი იყო ორჭიდის ჯამში დაგროვილი 277 კილოგრამიც.