ძალოსანთა მსოფლიო ჩემპიონატი, რომელსაც ტაილანდის ქალაქი პატაია მასპინძლობს, დასასრულს უახლოვდება. დღეს ტურნირი მძიმეწონოსანთა, +109კგ წონითი კატეგორიის ათლეტების გამოსვლით მთავრდება.

მსოფლიოს ჩემპიონი და მთავარი ფავორიტი ლაშა ტალახაძე მალე დაიწყებს ასპარეზობას, დილით კი B ჯგუფში გიორგი ჩხეიძე ვიხილეთ. ქართველმა ძალოსანმა ატაცში 178, 182 და 185 კილოგრამი დაძლია და მეორე ადგილი დაიკავა. აკვრაში ჯერ 222, შემდეგ 227 კილოგრამს მოერია და მე-6 შედეგი დააფიქსირა, ორჭიდის ჯამში კი 412 კილოგრამს მოუყარა თავი და ასპარეზობა მე-4 ადგილზე დაასრულა.

ლაშა ტალახაძე მსოფლიოს ბოლო 3 ჩემპიონატის გამარჯვებული გახლავთ. 2015 წელს ჰიუსტონში (აშშ) 454კგ-ით მოიგო ოქროს მედალი, 2017 წელს ანაჰაიმში (აშშ 477კგ დაძლია და მსოფლიო რეკორდიც დაამყარა, შარშან აშგაბატში (თურქმენეთი) კი 474კგ დააგროვა, ახალი მსოფლიო რეკორდი მიითვალა და მესამედ გახდა მსოფლიოს ჩემპიონი.