4-11 აგვისტოს, ვაჟა კაჭარავას სახელობის ფრენბურთის არენაზე გაიმართა კრივის ევროპის ჩემპიონატი სკოლის მოსწავლეთა შორის. ევროპის ჩემპიონატზე მონაწილეობდა 30 ქვეყნის 316 სპორტსმენი. საქართველოს ნაკრები ევროპირველობაზე წარმატებით გამოვიდა და 15 მედალი მოიპოვა - 7 ოქრო, 4 ვერცხლი და 4 ბრინჯაო.

თბილისში ჩატარებულმა ევროპის ჩემპიონატმა ევროპის კრივის კონფედერაციის ხელმძღვანელობის მხრიდან უმაღლესი შეფასება დაიმსახურა - ჩემპიონატი კარგად იყო ორგანიზებული და როგორც ევროპული კრივის ხელმძღვანელი პირების, ასევე თბილისში ჩამოსული სტუმრების მოწონება დაიმსახურა. შეჯიბრების დასკვნით დღეს, 11 აგვისტოს ევროპის ჩემპიონატის ფინალურ ორთაბრძოლებს დაესწრო - განათლების, მეცნიერების, კულტურისა და სპორტის მინისტრის მოადგილე შალვა გოგოლაძე, რომელმაც ქართველ მოკრივეებს უგულშემატკივრა და მოგვიანებით პრიზიორი სპორტსმენები, მათ შორის ჩემპიონი დავით ჯაფარიძე დააჯილდოვა.

საქართველოს ნაკრების მონაგარი:

🥇 გორ აივაზიანი (41,5 კგ)

🥇 გოჩა გორდულავა (44,5 კგ)

🥇 დავით ჯაფარიძე (46 კგ)

🥇 საბა ერემეიშვილი (48 კგ)

🥇 დემურ ქაჯაია (52 კგ)

🥇 გია მითაგვარია (65 კგ)

🥇 ტარიელ შარიქაძე (90-105 კგ)

🥈 თათია ბუკია (70 კგ)

🥈 ლუკა წულეისკირი (38,5 კგ)

🥈 მურად ტაგიევი (40 კგ)

🥈 დავით ხუციშვილი (90 კგ)

🥉 თამარ სამელია (38 კგ)

🥉 ელენე თოდუა (44 კგ)

🥉 ლუკა ბასარია (43 კგ)

🥉 თემურ ქართველიშვილი (72 კგ)

ფოტო: ხატია ჯიჯეიშვილი