18 მაისს საქართველოში პირველად ჩამოყალიბდა შერეული გუნდი ფეხბურთში, სადაც 7 და 8 წლის გოგონებსა და ბიჭებს საშუალება აქვთ კვირაში ორჯერ, სრულიად უფასოდ დაკავდნენ ფეხბურთით. აღნიშნული პროექტი ხორციელდება საფეხბურთო აკადემია #TagSport-ის მიერ, საქართველოს განათლების, მეცნიერების, კულტურისა და სპორტის სამინისტროსა და საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის მხარდაჭერით.

იმისათვის, რომ მოხვდეთ შერეულ გუნდში, აუცილებელია დარეგისტრირდეთ შემდეგ ბმულზე:

https://forms.gle/Npnq5k3sEqycACPD6,

ან მოგვწეროთ ელექტრონული ფოსტის მეშვეობით მისამართზე:

georgiaforpeople@gmail.com

მიუთითეთ ბავშვის სახელი, გვარი, ასაკი, დაბადების თარიღი და საკონტაქტო ინფორმაცია.

პროცესს უეფა-ს B ლიცენზიის მფლობელი, პროფესიონალი საფეხბურთო მწვრთნელი ალა ფილინა ხელმძღვანელობს, რომელიც ამავდროულად არის აკადემიისა და ქალთა საფეხბურთო სკოლის - ‘GirlPower’ თანადამფუძნებელი.

საფეხბურთო აკადემიის მწვრთნელები იყენებენ განათლების ევროპულ მეთოდებს, იზიარებენ ბრიტანეთის საფეხბურთო კლუბების აკადემიების, აგრეთვე შვეიცარიის ბავშვთა სპორტული ცენტრებისა და აშშ-ის ბავშვთა ფსიქოლოგების გამოცდილებას. TagSport-ის გუნდის მთავარი მისიაა ბავშვებისთვის, განურჩევლად სქესისა და შესაძლებლობებისა ხელმისაწვდომი გახადოს ფეხბურთი.

მისამართი: თბილისი, ილია ჭავჭავაძის გამზირი 49ა (სპორტის უნივერსიტეტის უკან მდებარე მინი სპორტული მოედანი). ვარჯიშები ტარდება კვირაში ორჯერ, ქართულ და რუსულ ენებზე. შეგახსენებთ, რომ პროგრამაში მოხვედრილი ბავშვები სრულიად უფასოდ ივარჯიშებენ.

ფოტო: #tagsport