ვაჟა კაჭარავას სახელობის ფრენბურთის არენაზე ევროპის ჩემპიონის, დავით კვაჭაძის სახელობის კრივის მე-3 საერთაშორისო ტურნირი ჩატარდა. დასკვნით დღეს, 20 აპრილს ფინალური ორთაბრძოლები 10 წონით კატეგორიაში გაიმართა. საქართველოს ნაკრებმა 4 ოქროს მედალი მოიპოვა.

ტურნირში 7 ქვეყნის უფროსი ასაკის მოკრივეებმა იასპარეზეს, მათ შორის მსოფლიოსა და ევროპის ჩემპიონებმა. ქართველი მოკრივეების გარდა მედლებისთვის აზერბაიჯანის, ბელარუსის, რუსეთის, სომხეთის, უკრაინისა და ჩეხეთის წარმომადგენლები იბრძოდნენ.

ტურნირი, რომელიც ბ კატეგორიისაა და შეტანილია ევროპის კრივის ფედერაციის ოფიციალურ კალენდარში, საზეიმოდ 16 აპრილს გაიხსნა. ცერემონიას მინისტრის მოადგილე შალვა გოგოლაძე დაესწრო. სპორტსმენებსა და გულშემატკივარს ევროპის ჩემპიონმა დავით კვაჭაძემ მიმართა.

ფოტო: გელა ბედიანაშვილი