10-17 მარტს ვლადიკავკაზმა (რუსეთი) 22-წლამდელ მოკრივეთა ევროპის ჩემპიონატს უმასპინძლა.

საქართველოს ნაკრებმა კონტინენტის პირველობა 4 ბრინჯაოს მედლით დაასრულა: ვაჟთა შორის ჩემპიონატის პრიზიორები გახდნენ: ნოდარ დარბაიძე (52კგ), არტიუშ გომციანი (56კგ) და ნიკოლოზ ბეგაძე (91კგ), ხოლო გოგონებში ანა ხუნჯუამ (54კგ) დაიკავა მესამე ადგილი.

ანა ხუნჯუა პირველი ქართველი ქალი მოკრივეა, რომელმაც ამ დონის ტურნირზე მოიპოვა მედალი.