იტალიის ქალაქ ფოჯაში მიმდინარე ევროპის ჩემპიონატზე კადეტ და იუნიორ მოფარიკავეთა შორის, ქართველმა მოფარიკავემ, ნიკა შენგელიამ ხმლით ფარიკაობაში ბრინჯაოს მედალი მოიპოვა. შენგელიამ მეოთხედფინალში FIE-ს იუნიორთა რეიტინგის მე-4 ნომერი, იტალიელი ლორენცო რომა 15:13 დაამარცხა. ნახევარფინალში, ახალგაზრდა ქართველი სპორტსმენი მასპინძელთა კიდევ ერთ წარმომადგენელს, FIE-ს იუნიორთა რეიტინგის ლიდერს, მატეო ნერის დაუპირისპირდა. შეხვედრა იტალიელის გამარჯვებით 15:7 დასრულდა. შედეგად, ნიკა შენგელიამ საქართველოს ნაკრებს პირველი ბრინჯაოს მედალი მოუპოვა.