ფიგურულ ციგურაობაში საქართველოს ისტორიული მიღწევა აქვს

ტალინში გამართულ ფიგურული ციგურაობის მსოფლიოს ახალგაზრდულ ჩემპიონატზე კარინა საფინა და ლუკა ბერულავა ოქროს მედალს დაეუფლნენ.

ქართული წყვილი ჯერ კიდევ მოკლე პროგრამის შემდეგ ლიდერობდა, მათ თავისუფალ პროგრამაშიც შესანიშნავად იასპარეზეს, 120.35 ქულა დაიმსახურეს და შედეგად, ჯამში 188.12 ქულით პირველობა მოიპოვეს.

ეს საქართველოს ისტორიაში საუკეთესო შედეგია მოციგურავეთა მსოფლიოს ახალგაზრდულ ჩემპიონატზე.