ნინო სალუქვაძისა და ცოტნე მაჭავარიანის წყვილი ევროპული თამაშების ბრინჯაოს პრიზიორია! ქართველმა მსროლელებმა პისტოლეტით 50 მ დისტანციიდან სროლაში ფინალში 87.7 ქულით მესამე ადგილი დაიკავეს. პირველ ადგილზე რუსეთის ნაკრები გავიდა, ხოლო მეორე ადგილი ლატვიელებს ერგოთ. სალუქვაძე და მაჭავარიანი ინდივიდუალურ შეჯიბრებებშიც იასპარეზებენ.

საქართველოს ოლიმპიურ დელეგაციას უკვე 17 მედალი აქვს. ჩვენი გუნდის ანგარიშზე 5 ოქროს, 3 ვერცხლისა და 9 ბრინჯაოს მედალია. საერთო გუნდურ ჩათვლაში საქართველო 50 ქვეყანას შორის მე-4 ადგილზეა.