კიევში დაიწყო სახელოვან უკრაინელ მოჭიდავეთა და მწვრთნელთა XXIII მემორიალი.

შეჯიბრების პირველ დღეს საქართველოს თავისუფალი სტილით ნაკრების 3 წევრი ფინალში გავიდა: ქართული ფინალი შედგება 74კგ წონით კატეგორიაში, სადაც ზურაბ ერბოწონაშვილი და ავთანდილ კენჭაძე შეერკინებიან, ელიზბარ ოდიკაძე კი 97კგ-ში შეუტევს ოქროს მედალს. ბრინჯაოს მედლებისთვის იჭიდავებენ ლაშა ლომთაძე (57კგ) და ზურაბ ურთაშვილი (125 კგ).

ბერძნულ-რომაული სტილით მოჭიდავეთა ნაკრებიდან ჩემპიონობისათვის ქერიმ მაჩალიკაშვილი (63კგ) იბრძოლებს, ხოლო დავით ბაკურაძე (63კგ), იური ლომაძე (72კგ) და გივი თევდორაძე (97კგ) ბრინჯაოს მედლებისათვის იბრძოლებენ.

ფინალური შეხვედრები 19 საათიდან დაიწყება.