დაიბადა 1996 წლის 25 აპრილს უკრაინის ქალაქ სნიჟნეში
ძალოსნობა; +75კგ, 87კგ, 90კგ
*-2015 წლიდან საქართველოს სახელით ასპარეზობდა

ტიტულები:
მსოფლიოს ჩემპიონი - 2017 (90კგ; ანაჰაიმი, ამერიკის შეერთებული შტატები)
ევროპის ჩემპიონი - 2016 (+75კგ; ფიორდე, ნორვეგია), 2018 (90კგ; ბუქარესტი, რუმინეთი)
ევროპის ჩემპიონატის ბრინჯაოს პრიზიორი - 2022 (87კგ; ტირანა, ალბანეთი)

საქართველოს საუკეთესო ქალი სპორტსმენი - 2016 (სპორტისა და ახალგაზრდობის საქმეთა სამინისტრო)

*-2016 წელს, ევროპის ჩემპიონატზე მეორე ადგილზე გავიდა, თუმცა ჩემპიონი, სომეხი რიფსიმე ხურშუდიანი მოგვიანებით დოპინგის გამოყენებაში ამხილეს და ოქროს მედალი ჩამოერთვა, ევროპის ჩემპიონის ტიტული კი ანასტასიას მიენიჭა.
*-2017 წლის 28 ნოემბრიდან 5 დეკემბრის ჩათვლით ძალოსანთა მსოფლიო პირველობას ანაჰაიმმა (კალიფორნიის შტატი) უმასპინძლა. ანასტასიამ 4 დეკემბერს იასპარეზა. მან ატაცში 120კგ დაიმორჩილა და მცირე ოქროს მედალი მოიგო. აკვრაში 145 კილოგრამი დაძლია და მეორე ადგილი დაიკავა, ხოლო ორჭიდის ჯამში 265კგ მოაგროვა და მსოფლიოს ჩემპიონი გახდა! ის ქართული სპორტის ისტორიაში პირველი მსოფლიოს ჩემპიონი ქალია ძალოსნობაში. ანასტასიამ მეორე ადგილზე გასულ მარია ფერნანდა ვალდესს (ჩილე) ათი კილოგრამით აჯობა. ბრინჯაოს მედალს დომინიკის რესპუბლიკის წარმომადგენელი კრისმერი სანტანა დაეუფლა.
*-2016 წლის რიო დე ჟანეიროს ოლიმპიადის მონაწილე, XII ადგილი.