სსრკ ჩემპიონატების ორგზის მეორე (1976, 80) და ორგზის მესამე (1975, 78) პრიზიორი, სსრკ ხალხთა VI სპარტაკიადის ჩემპიონი გუნდურ პირველობაში (1975), ბელგრადის, დუბროვნიკისა და ვარშავის საერთაშორისო ტურნირებში გამარჯვებული. საერთაშორისო კლასის სპორტის ოსტატი. საქართველოს ნაკრები გუნდის უფროსი მწვრთნელი (1982-86). მისი ხელმძღვანელობით საქართველოს ნაკრები სსრკ ხალხთა VIII სპარტაკიადის ჩემპიონი გახდა გუნდურ ჩათვლაში (1983). საქართველოს ძიუდოს ფედერაციის პრეზიდენტი (1990-იდან). 1991-92 წლებში იყო საქართველოს შინაგან საქმეთა მინისტრი.